* - niviarsiaqqat nukappiaqqallu aterisinnaavaat
A - Avanersuaq
K - Kitaa
Q - Qavappiaat
T – Tunu
King - Siuliaqut kinguliaqutitut atorneqartoq

Nalunaarsornertaqanngitsut atiupput 1986-p kingorna akuerineqarsimasut.

Atit uani nassaarisinnaasatit tassaapput kalaallit aqqi Inuit Aqqinik Akuersisartunit akuerineqarsimasut “Kalaallit aqqisa nalunaarsorsimaffiat” 2007-imi saqqummersup imarisai. Tassani aamma ilaapput atit Europamiusuumit nagguillit kalaallit taaguinerinut tulluussakkat.

Atit isumaanik nassuiaatitallit. Atit alakkartilerukkit atit ilaat silittumik naqinnillit malugissavatit. Taakku toorukkit atip isumaanut nassuiaatitai nuissapput. Isumaanut nassuiaatit saniatigut aterineqartut amerlassusiinut paasissutissat januaarip aallaqqaataani 2005-imi CPR registerimiit tigusaapput. Atit isumaanut tunngasut ataavartumik ikussorneqartassapput.

Ateq qanoq isumaqarpa? Atip isumaata nassuiaatissartaa qanoq innersoq paasiniarusukkukku, atilluunniit oqaluttuassartaanut isumaanullu tunngasunik ilassutissaqaruit, uunga allaffigitigut: Oqaasileriffik@gh.gl

Atit isumaat pillugit apeqqutit amerlasuut tigusarpagut. Akissutisinissaq sivisusinnaasoq ilimagisariaqassavat ateq suli iluamik misissuiffigineqarsimanngippat.