Inuit Aqqinik Akuersisartut

Aqqit pillugit sulinermi tunngavigaat Atsiisarnermut Ilitsersuutit novembarip 21-anni 2006-imi aalajangerneqartoq aamma Kalaallit Aqqisa Nalunaarsorsimaffiat 2007-imeersoq.

Inuit Aqqinik Akuersisartut Danmarkimi inuit aqqi pillugit inatsit malillugu sulisarput.

Nalunaarsuusiaq, Oqaasiliortunit suliaasoq, kalaallit aqqinik atsiisoqassatillugu kuisittoqassatillugulu atorneqarsinnaasunik imaqarpoq.

Atsersuisarnermut ilitsersuutit

• Aqqit nalunaarsuusiami allassimasut tamarmik Kalaallit Nunaanni sumiluunniit atorneqarsinnaapput.
• Aqqit ataasiakkaat avataasigut nalunaaqutserneqarsimasarput atip nunap suatungaani atorneqaqqaarsimanera ersersinniarlugu.
• Qallunaat (Nunani avannarlermiut Biibilillu inuttaasa) aqqi kalaalerpaluttunngorsakkat, soorlu Juulut (Joorut), Kaalat, Piitaq, Sakiu (Sakiusi) il.il. nalunaarsuusiami ilanngunneqarsimanngillat atorneqarsinnaallutilli.
• Uiguutit atinut ilanngunneqartalersimasut palasi isumaqatiginiareerlugu ilanngunneqarsinnaapput.
• Kalaallit aqqi nalunaarsuusiami ilanngunneqarsimanngitsut kuisitsinermi atsiinermiluunniit akuersissummik peqqaarluni atsiunneqarsinnaapput. Aterinnilersussamut kingunipiloqarsinnaasut assigisaallu tunngavilersuutit aalajangersimasut najoqqutaralugit itigartitsissutaasinnaapput.
• Ilanngullugu erseqqissarneqarpoq meeraq siuliaqutsinik tallimat sinnerlugit atserneqassanngimmat.
• Aterpaaluit nalunaarsuusiamiittut *-mik nalunaaqutserneqarsimasut niviarsiaqqanit nukappiaqqanillu aterineqarsinnaapput. Aqqillu taakku atoraanni piumasaqaataavoq nukappiaqqap niviarsiaqqalluunniit aqqanik paatsuugassaanngitsumik ilaneqassasut.
• Inuit aqqi allanneqassapput allattaatsit atuuttuusut tunngavii aallaavigalugit.

Ilaasortat
Carl Christian Olsen, siulittaasoq
Sofie Petersen
Ellen Jensen